ទើបតែត្រូវ Spur ដេញ ស្រាប់តែឥលូវក្លឹបមួយនេះ ចាប់ផ្ដើមទាក់ទង Mourinho ឲ្យដឹកនាំបាត់

លោក Jose Mourinho ត្រូវបានក្រុម Celtic ធើ្វការទាក់ទងដើម្បីឲ្យរូបលោកមកដឹកនាំក្រុមរបស់ពួកគេ បន្ទាប់ពីរូបលោកត្រូវបាន Spur បណ្ដេញចេញកាលពីដើមសប្ដាហ៍កន្លងទៅ។

បុរសសញ្ជាតិព័រទុយហ្គាល់នេះ ត្រូវបានក្លឹបមាន់ខ្នាយមាស បណ្ដេញចេញពីតំណែងគ្រូបង្វឹកកាលពីថៃ្ងចន្ទ សប្ដាហ៍កន្លងទៅ ៦ថៃ្ងមុនឈានដល់ការប្រកួតវគ្គផ្ដាច់ព្រ័ត្រ Carabao Cup ទល់នឹង Manchester City។

Celtic ដែលជាក្លឹបស្ថិតក្នុងក្របខណ្ឌលីគកំពូលរបស់ប្រទេសស្កុតឡែន ត្រូវបានគេរាយការណ៍ថា កំពុងទាក់ទងភ្នាក់ងាររបស់លោក Jose Mourinho អំពីលទ្ធភាពក្នុងការនាំយករូបលោកមកដឹកនាំក្រុម ក្រោយពីពួកគេត្រូវបាន Ranger ដណ្ដើមពានលីគរដូវកាលនេះ៕

ប្រភព៖ Sportbibble